14
ноябрь
2022
ШЫМКЕНТТЕ ҮГІТ-НАСИХАТ ЖҰМЫСТАРЫ ЖАЛҒАСУДА
ШЫМКЕНТТЕ ҮГІТ-НАСИХАТ ЖҰМЫСТАРЫ ЖАЛҒАСУДА
ҚР Президенттігіне кандидат Қасым-Жомарт Тоқаевтың Шымкенттегі жақтастары үгіт-насихат жұмыстарын жүргізуді жалғастыруда.
«Есіктен – есікке» акциясы аясында Шымкент қалалық қоғамдық штаб мүшелері мен белсенділері қала тұрғындарының үйлеріне барды. ҚР Президенттігіне кандидат Қасым-Жомарт Тоқаевтың «Әділетті Қазақстан: бәріміз және әрқайсымыз үшін. Қазір және әрдайым» атты сайлауалды бағдарламасымен таныстырып, үнпарақтар таратты.
Акция барысында қала тұрғындары тарапынан келіп түскен сұрақтарға жауап беріліп, азаматтардың ұсыныстары тыңдалды.
Қазіргі уақытта қала бойынша 345 іс-шара өткізіліп, 446 мыңнан аса сайлаушыға үгіт-насихат жұмыстары жүргізілді. Қоғамдық қабылдау бөлмесінде 14 қабылдау өткізілді. Қала тұрғындарынан 1 500-ге жуық ұсыныс пен тілек жиналды.