17
декабрь
2020
«Ынтымақ-құрылыс»
Бүгін мектептің А ғимаратының есігі айқара ашылды! Алақай, бұл жерде енді үйдегідей ыңғайлы! Кезекші сынып оқушылары бүгінгі күннен бастап жаңа ғимаратта оқуды бастады. Күрделі жөндеу жұмыстары бітті.
– Қазіргі кезде жөндеу жұмыстары бекітілген стандарттарға және санитариялық қағидалар мен талаптарға сай толық аяқталды, - деп мектеп директоры Сауле Асетқызы баяндады. Әрине, күрделі жөндеу жұмыстары барысында жөндеудің сапасы жайлы сұрақтар туындады, бірақ біз жағдайды бақылап отырдық және мердігерлермен тығыз байланыста болдық. Жөндеу жұмыстары жан-жақты қамтылды: ғимараттың сырты металлосайдингпен қапталды, шатыры түгелдей ауыстырылды, жарықтандырудың, жылудың, құбыр мен кәріздердің жаңа жүйесі орнатылды, оқу бөлмелерінде ағаш едендер төселді, жаңа есіктер мен пластикалық терезелер орнатылды, дәліздер мен санитариялық тораптарда керамогранит пен кафель төселді, бейнебақылау және өрт сөндіру дабылдары орнатылды, ғимараттың аумағы абаттандырылды. ЖШС «Ынтымақ-құрылыс» ғимаратты қолданысқа тапсыруда бүгінгі күнді қуанышты жағдаймен тарихта қалдырды, мектепке 10 теледидарларды сыйлыққа тартты. Ауқымды жұмыс жүргізгені үшін мектеп әкімшілігі, қызметкерлері, білім алушылар және ата-аналар мердігерлерге алғысы мен ризашылығын білдіреді. Әр жасаған жақсылықтың бір қайыры болары хақ. Мектебіміздің қызықты да қуанышты күндері көп болсын, жылы жүрек жомарт азаматтардың ықпалымен оқушыларымыздың болашағы табысты да жарқын болсын!
Толығырақ сілтеме бойынша
https://www.facebook.com/profile.php?id=100025754539001&__cft__[0]=AZX8bAq_ew7-66h9y7r4R_yr_h6WEb75455f50RvozO6Q65_wp4qdBsFOzqbg4r3vMoH9E2dwIYm9GCNvOUnexMW2seFXBhNxSZb4dhQwkSGjH7QLzvCxcEWTfskt3P6tIy3DbP5n5ht4yTSsuBoQ4Sh&__tn__=-UC%2CP-R