31
октябрь
2023
Мектеп президентін сайлау
Шымкент қаласы білім басқармасына қарасты Қазыбек би атындағы N36 жалпы орта білім беретін мектебінде "Өзін-өзі басқару" ұйымы "Мектеп парламенті" президенті және фракция мүшелері тағайындалды.
20.10.2023 жылы мектеп президентігіне үміткерлер сайлау алдындағы бағдарламаларын, жаңа идеялар мен жобаларын оқушылар алдында таныстырып өтті. Мектеп президентін сайлау үрдісі жалпыға бірдей теңдік және сайлау бостандығы қағидалары негізінде жүзеге асырылды.
Дауыс беру қорытындысы бойынша 11 «В» сынып оқушысы Бакиров Арман барлық кандидаттар арасында жоғары дауыс жинап, 2023-2024 оқу жылына мектеп президенті деп, 10 “А” сынып оқушысы Бейсенғали Бағдаулет вице президент болып тағайындалды. Жаңа президентпен бірге мектептегі өзін-өзі басқару ұйымының жаңа құрамы анықталып, сайланды. Мектеп президенті мен парламент құрамына алдағы уақытта сәттілік тілейміз.