18
сентябрь
2023
ЖАЛПЫ АТА-АНАЛАР ЖИНАЛЫСЫ
ЖАЛПЫ АТА-АНАЛАР ЖИНАЛЫСЫ ӨТТІ
Қазыбек би атындағы №36 жалпы орта білім беретін мектепте жаңа оқу жылының басталуына орай 16.09.2023 ж. күні жалпы ата-аналар жиналысы болып өтті.
Күн тәртібінде мына мәселелер қаралды:
1. 2023-2024 оқу жылына қойылатын талаптар, мақсаты және міндеттері, оқу-тәрбие процесін ұйымдастырудың ерекшеліктері.
2. Сыбайлас жемқорлықтың алдын алу. Мектепте ақша жинаудың кез-келген түріне тыйым салу.
3. Әлеуметтік желілердегі қауіпсіздік. Буллинг, кибербуллингтің алдын алу жұмыстары
4. Мектептің ішкі тәртіп ережесі. Ата-аналардың құқықтары мен міндеттерін түсіндіру. Үйірмелер жұмысы.
5. Әлеуметтік жағдайы аз қамтылған, АӘК тағайындалған, копбалалы, тұл жетім, жартылай жетім отбасыларына көмек ұйымдастыру туралы.
6. Оқуға құштар мектеп жобасы. Оқулықпен қамту жұмыстары.
7. Мемлекет тарапынан бөлінген қаржыны игеру. Материалдық-техникалық база-мектеп директоры Г.Н.Аюпова
8. Ата-аналар комитетінің 2022-2023 оқу жылында атқарған жұмыс есебі және 2023-2024 оқу жылына ата-аналар комитеті құрамын сайлау.
Ата-аналар жиналысының көздеген басты мақсаты – бала тәрбиесіндегі ата - ананың алатын орнының ерекше екендігін түсіндіру, әр отбасының бала тәрбиесіне белсене қатысуының маңызын арттыру, баланың жақсы әдеттерді бойына сіңіріп өсу жолдарын ата-аналармен бірлесе қарастыру болды.
Мектеп директоры жиналысты өткен 2022-2023 оқу жылындағы мектептің жетістіктері мен жаңа 2023-2024 оқу жылында ендірілген өзгерістерді және мектептің алға қойған мақсат-міндеттерімен ата-аналарды таныстырып өтті. Сонымен қатар ҚР 2015 жылғы 18 қарашадағы “Сыбайлас жемқорлыққа қарсы іс-қимыл туралы” Заңына сәйкес ақша жинаудың барлық түріне қатаң тыйым салынатынын айтты.
Күн тәртібіндегі барлық мәселелер толығымен қамтылып, қарастырылды.
Ата-аналар мектепке қатысты сұрақтарын қойып, көңілдеріне қонымды жауаптарын алып, мектеп әкімшілігі мен ұжымға толағай табыстар тіледі.
и ещё 8
Все реакции:8Вы, Айнура Шакирова, Жандар Козикеев и ещё 5