БІРТҰТАС ТӘРБИЕ БАҒДАРЛАМАСЫ

ҚЫЗ ТӘРБИЕСІ - ҰЛТ ТӘРБИЕСІ !!!

Қазыбек би атындағы №36 жалпы орта білім беретін мектебінде БІРТҰТАС ТӘРБИЕ бағдарламасының «Талап» бөлімін жандандыру, қолдау мақсатында Республика көлемінде оқушы қыздардың келбетін қалыптастыру  «Оқушы қыз келбеті- бұрымымен әдемі» атты челленджі өз жалғасын тапты. Аналардың қызына деген тәлім тәрбиесі сабырлылық танытып жылдар бойы өсіріп күткен қыздарының кереметтей шаш үлгісінен өз көрінісін табады. Қазақ халқы «қыз» деген сөздің өзін әдептіліктің, әдеміліктің, инабаттылықтың, сұлулықтың белгісі деп таныған. Әсіресе қыз баланың көрікті болып өсуіне анасы ерекше көңіл бөліп, «Таудың көркі тас, қыздың көркі шаш, шаштың көркі шашбау» деп қыздың шашын күтіп өсіруді өнер санаған. Қазақ халқының жырларында қазақ қыздарының шаштарын «Шашының ұзындығы ізін басқан», «Шаштарын он күн тарап, бес күн өрген», Қыпша бел, қиылған қас, қолаң шашты» деп, керемет суреттеген.

Мақсаты:

1)    Қазақ халқының ұлттық өнерін, салт – дәстүрін дәріптеуге үйрету;

2)    Оқушылардың танымдық және шығармашылық қабілетін, эстетикалық талғамын, шеберлігін дамыту;

3)    Көпшілік алдында өзін- өзі ұстай білуге, әдептілікке, мейірімділікке, сұлулыққа тәрбиелеу.