Қыркүйекте мектептегі оқу жылы қандай форматқа көшеді

1 қыркүйекте мектептегі оқу қандай форматқа көшеді — министр пікір білдірді.

ҚР Білім және ғылам министрі Асхат Аймағамбетов 1 қыркүйектен оқу жылы қандай форматта басталуы мүмкін екенін айтты.

«Қашықтан оқыту уақыт талабы екенін түсінеміз. Бұл тақырып үйде білім алатын балаларға, сондай-ақ қыста ауылдық елді мекендерде жол ашылмағанда оқудан қалған балаларға қатысты. Осы орайда түрлі жағдай болып жатады. Сәйкесінше, бұл жағдайларда заманауи технологияларды көмегі тиіп, білім беру процесіне қолдау жасалады. Алайда бұл 1 қыркүйектен қашықтан оқуға көшіруді білдірмейді», — деді А. Аймағамбетов онлайн баспасөз мәслихатында.

Оның сөзіне қарағанда, педагогтар, министрлік, ата-аналар мен оқушылардың өздері дәстүрлі форматта оқыту тиімді әрі ыңғайлы екенін түсініп отыр.

«Білім беру процесі — ол тек ақпарат беру ғана емес. Бұл тұрғыда әлеуметтендіру, балалар арасында өзара іс-қимыл мен қарым-қатынас, тәрбиелік процесс секілді маңызды мәселе бар», — деді министр.

Полную версию можете посмотреть:https://www.facebook.com/photo/?fbid=676702329864912&set=a.219870278881455&__cft__[0]=AZXzmmk_CQNc8YaTJz0dq7Tzv7lY9FyBzuhTK7gcPG3x8k4Ldo0DRQjvRCNbcTsTzulhHJIuYz2Ex7iIyLjFIs54nwf7keoJyFjddk02tMnNN3hUAQfSvSE7lShgMsqxfkM&__tn__=EH-R